OffTopic do mes:San Caralampio 2007

Cando pensabamos que a euforia do verán remataba coa entrada do mes de Setembro(para min o mellor mes do ano por diversos motivos) resulta que estaba o San Caralampio aí escondidiño.Digo esto porque ,polo menos pola miña parte,é unha festa que sempre me pilla case por sorpresa xa que por estas datas teño a cabeza en outras actividades de carácte ludico(a escapadiña anual) .

Ésta é unha festa que,a pesar de que segue vindo xente de fóra a celebrala,consideramos que é feita por e para os de Melide,para todos os que quedamos no pobo con ese sabor agridoce da despedida do verán.

Evidentemente toda festa ten a súa parte boa e a súa mala.¿Por qué? Porque como xa todos sabemos ,unha das cousas que máis nos molesta ós que imos á festa para disfrutala é o "chiringueo" con tódalas súas variantes(pistolitas , as míticas litronas e o artiluxio estrela ,a sulfatadora) ,xa que eu,e supoño que case todos os que realmente disfrutamos desta festa, non teño porque ser partícipe de algo que non comparto.Os que se queiran mollar xa saben...temos unhas praias moi bonitas en Galicia,pero non molestedes a quenes nos gusta chegar á casa unha vez rematada a festa sen cheirar a viño(no mellor dos casos) ou a saber a que...

O caso é que , por sorte , esta festa dá moito máis de sí que estas insignificancias que empañan a ledicia da FESTA por excelencia da nosa vila.

Por iso,vou facer unha especie de crónica,persoal, da que onte se celebrou(á espera da crónica de Riki,se é que a fai...Riki xa sabes...).

Primeiro,sobra dicir que o bo tempo fixo acto de presenza ,cousa que favoreceu con respecto á afluencia de público/festeiros/...

No referente ó consumo de alcol,alomenos pola miña parte,non foi maior que o de anos anteriores , o que pasa é que se bebes cousa de calidade (albariño) pois o "subidón" é moito máis levadeiro.**MODO PURETA//ON** "tanto Kalimotxo e tanta ostia,se sé bebera viño a festa collería outra cor" **MODO PURETA//OFF** .

No aspecto gastronómico houbo cambios,a mellor, que propiciaron máis cambios.Refírome á comida na Pousada Chiquitín,onde poidemos degustar uns calliños da casa(moi ricos e consistentes,por sorte) e carne con patas.Todo esto acompañado de bo viño,cafés e chupitos...

Os cambios ós que me refería anteriormente foi a presencia dun pelegrín de nacionalidade xaponesa que nos acompañou ó longo de toda xornada.Como non coñezo a maneira de escribir do seu nome vouno escribir como me pareza.Chamábase Isako(¿É cousa miña ou este tío é cagadiño a Hiro Nakamura?),anque entre nós ,a causa do escaso coñecemento da variedade de nomes xaponeses , era Miyaghi(cousa que lle fixo gracia).Hai que dicir que gracias á presencia deste foráneo moitos de nós poidemos sacarlle as teas de araña ó noso inglés.

Con respecto ás actividades lúdico-festivas do día destacar a dinámica actuación dos Festicultores con "tractorillo/segadora sen peine" que fixo movernos a todos ata que as luces do día déron paso a un ceo estrelado cómplice dos máis borrachos.

Se algo me deixou algo abraiado(dádelle a connotación que vós queirades a este adxectivo) foi o grupo que amenizou a festa previa á traca.Cun repertorio do máis raro tivo os seus momentos máis álxidos cara o final da sesión cando cantaron o éxito do verán pasado "a cabritinha" na que ademáis dunha coreografía moi complexa e rebuscada tiveron a grande idea de emular vocalmente a unha cabra(cáptese a ironía,por favor).

Por último hai que dicir que a traca estivo moi ben.

Agora,esta festividade conleva un cansancio indescriptible tanto no propio día como no día seguinte,xa que a grande maioría(na que me inclúo) somos tan intelixentes que a véspera de dita festa agarrámonos unha merluza tan ou máis forte ca do día seguinte.

Nada máis,...dicir que é unha festa ben bonita na que se deberían evitar cousas que non veñen a nada como mollar á xente ou dárlle de ostias ...

Paz, amor e moito Caralampio...